۱۰؍ لاکھ روپئے کھنڈنی مانگنے پر مقدمہ

ناندیڑ: ۱۹؍جولائی ( نامہ نگار)نکسلائیٹ بتاکر دس لاکھ روپئے کھنڈنی مانگنے والے نامعلوم ملزم کے خلاف سندکھیڑ پولس اسٹیشن میں مقدمہ درج کیاگیا ہے ۔ پولس پریس نوٹ کے مطابق ماہور کے سارکھنی میں پرکاش جیسوا ل کا کھیت موجود ہے ۔ اس کھیت پر رامیا کوتلوار یہ اپنی ڈیوٹی انجام دیتا ہے ۔ گذشتہ رات نامعلوم ملزم نے کھیت میں آکر خود کو نکسلائیٹ



بتایا اور کہا کہ یہ چٹھی تو اپنے مالک کے پاس لے جاکر دے ۔ چٹھی کے ساتھ ایک پستول ، ایک گولی ، بھی اس شخص نے کوتلوار کو دی ۔ چٹھی میں دھمکی دی گئی کہ رقم نہ دینے پر کھیت کے مالک پرکاش ، سبھاش ، پانڈو، ان تینوں بھائیوں کو قتل کردیا جائے گا۔ کوتلوار کی شکایت پر سندکھیڑ پولس اسٹیشن میں دس لاکھ روپئے کھنڈنی مانگنے اور آرمس ایکٹ کے تحت مقدمہ درج کیا گیا ہے ۔